الصفحة الرئيسية أخبار برامج وائل غنيم عن أزمة أوبر وسائقي التاكسي: العيب في النظام

وائل غنيم عن أزمة أوبر وسائقي التاكسي: العيب في النظام

118

علق المهندس المصري وائل غنيم على أزمة أوبر وسائقي التاكسي، بقوله أن خدمة سيارات الأجرة “أوبر” و”كاريم” دليل على إمكانية تعامل المصريين بتحضر، وذلك عبر حسابه الشخصي على موقع فيس بوك.

وقال في تعليقه أن “أوبر وكريم هما إثبات عملي إن المصريين ممكن يتعاملوا مع بعض بتحضُّر واحترافية، والسائق مستعد ياخد الأجرة المحددة ليه وهو راضي وبيقدم أفضل ما عنده، والمستخدم مستعد يدفع تكلفة الخدمة بدون فصال ويعامل السائق باحترام”.

وأضاف: “ليه ده بيحصل؟ عشان فيه (حتى الآن) نظام بتحترمه الشركة وبيحترمه السائق والمستخدم لأنه بيقدم فائدة حقيقية للكل، فيه شفافية وتكافؤ فرص مع وجود آليات للمكافأة عند الصواب أو المحاسبة عند الخطأ”.

وواصل: “قارن ده بأي نظام بيقوم على الرشوة والفساد والمحسوبية ومفيهوش تكافؤ فرص ولا آليات لمكافأة المجتهد أومحاسبة المخطئ، النتيجة الحتمية هى إن الناس مش هتحترم قوانين النظام ده وهيبقى نظام فاشل البقاء فيه للأفسد وهيطلع أسوأ ما في الناس من سلوكيات زي الخداع والنصب والبلطجة”.

واختتم: “لما تشوف أي نظام فاشل، بلاش تقول إن العيب في الناس أصل احنا شعب كذا وكذا، العيب مش في الناس العيب في النظام”.

موضوعات متعلقة:

أول توصيله ببلاش.. تطبيق Uber بديل التاكسي في مصر

حملة إلكترونية للدفاع عن Uber.. ولا عزاء لسائقي التاكسي

كما قال رداُ على تعليقات أحد متابعيه “إحنا في مصر بنشوف أبناء طبقة فوق متوسطة ومتعلمة ومثقفة وفي النهاية بسبب وجودهم في منظومة فاسدة بيرتكبوا أعمال غير أخلاقية، وغياب المحاسبة هنا بيشجع على المزيد من الفساد. ده غير إن الفئات ذات الدخل المحدود والأقل حظا في التعليم لما بيسافروا ويتغربوا عشان يشتغلوا بيلتزموا بقوانين الدول اللي بيسافرولها لأنهم عارفين إن فيه حزم في تطبيق القوانين”.

واستكمل تعليقه بقوله “الموضوع في رأيي مش تعميم ولا تبسيط. حط قانون بيحقق الفائدة للمجتمع، واعمل أدوات لتطبيق القانون ده بشكل حازم على الجميع، وآليات لمكافئة المصيب ومعاقبة المخطئ، والناس هتلتزم. اعمل غير كده، هتلاقي الكل بيخل بالقانون ومش بيحترمه، والفرق وقتها بين المثقف وغير المثقف هو في “طريقة” المخالفة وحجم الفساد”.

جدير بالذكر أن هذه الأزمة بدأت بعدما تقدم عدد من سائقي التاكسي الأبيض إلى المركز المصري للحقوق الاقتصادية والاجتماعية، لرفع دعاوى قضائية ضد شركتي” أوبر” و”كريم”، وهما شركتان للسيارات الخاصة التي تعمل من خلال تطبيقات الهواتف الذكية GPS، والتي لقيت مؤخرًا رواجًا، وأصبح عدد لا بأس به يفضلها في التنقل.


https://www.facebook.com/ghonim/posts/10156495079760576

التعليقات:

محمد أبو السعود

مهندس مصري وصحفي متخصص في مجال التقنية ومؤسس موقع ويب ماستر

المزيد بواسطة محمد أبو السعود
المزيد من برامج